'n Onderhoud met Sameera Anum - die outeur van "Those Green Eyes"

Artikel vertaal vanaf Writing Projects - WRIPES, met voorafgaande outorisasie.

Terwyl die boektelling van WRIPE - 6 voortdurend styg, nooi die hooforganiseerder van hierdie merkwaardige skryfprojek een van sy vroegste deelnemers, me. Sameera Anum, om haar unieke skryfervaring in WRIPE - 2 en WRIPE - 6 te deel.

V - Hallo! Sameera! So lekker om op hierdie lieflike aand 'n vriendelike geselsie te hê! Hoe gaan dit met jou?

A - Hallo! Ek doen wonderlik, Chinthaka! Dankie dat jy die onderhoud met my voer. Hoe gaan dit?

V - Baie goed! Dit gaan goed met my! So hoe moet ek begin? Eerstens, wat noem jou vriende jou? Anum of net Sameera?

A - My vriende noem my Sam. Jy kan my ook Sam noem, asseblief.

V - Ok Sam! So ... vertel my hoe jou skryflewe begin het! Ek skat jy het 'n lang geskiedenis!

Wel... My skryflewe het begin toe ek my gedagtes as gedigte op skool neergesit het ... Later het ek net vir my eie vermaak gedigte geskryf, en dit nie regtig na enige platform geneem nie. Toe kom ek toevallig af op hierdie unieke skryfplatform genaamd Sweek, toe ek ernstig nadink oor hoe om my skryfvaardighede te ontwikkel. So ... dit is hoe ek begin skryf het. :) Dis lekker om my gedagtes in woorde te kan omsit. Dis 'n soort vryheid wat ek baie geniet.

V - Sam, jy het in jou skooldae begin met gedigte skryf. Kan jy nou van die gedigte onthou? Dit was seker jare gelede ... Ek hoop ek plaas jou nie in 'n moeilike situasie nie ha ha!

A - Ha Ha .. nee nie regtig nie ... Ek het een geskryf oor Vriende ... hmmm ... kan dit nie onthou nie ... ha ha.

V - Haai, haai dis okay! Dis okay! Miskien wil jy 'n gedig wat jy op Sweek gepubliseer het, met ons deel?

Seker. Dream Of The Soul is een van my vroegste gedigte wat ek ook op Sweek gepubliseer het. Ek sal die skakel hier deel!

https://sweek.com/s/CgEBDA9sCAUFBwgJAwEFB2YCCA==/SameeraAnum/Dream-Of-The-Soul

V - So ... jy het as digter begin! Wat het dan op jou pad gekom? Grillers?

A - Laat ek dink ... Nee, nie juis grillers nie, maar spanning, raaiselverhale ... sou ek sê. Om eerlik te wees, my eerste volledig geskrewe verhaal was op sweek, voor dit, het ek nog net aan gedigte gewerk. “Those Green Eyes” was die eerste verhaal wat ek voltooi het. So ek sal sê, raaiselverhale...

V - “Those Green Eyes” ... sjoe, dit het onmiddellik "The Green Eyes", die Amerikaanse televisiefilm van 1977 wat onder die regie van John Erman was, in my gedagtes opgebring. Dit het ook 'n Peabody-toekenning en 'n Humanitas-prys gewen. Geen kans dat jou boek daarop gebaseer is nie, of hoe?

A - Woah!! Jammer! Is nie bewus van die film nie... Is regtig sleg met films. Ek het nie baie kennis van films nie. En nee, my boek is nie daarop gebaseer nie! Dit moet 'n vreemde toeval wees. Ek sal in elkgeval na die film kyk, onmiddellik nadat ek klaar is met hierdie onderhoud :)

V - Seker! Dit was interessant. Dit handel oor 'n veteraan in Viëtnam wat liggaamlik sowel as sielkundig gewond is. Hy is vrygelaat uit 'n VA-hospitaal, loop met 'n kierie en vind nie werk nie en lyk nie of hy inpas nie. Dan vind hy 'n hernieude sin van doel deur terug te keer na Saigon, Ho Chi Minh-stad in Viëtnam om na 'n Vietnamese vrou wat hy liefgehad het en 'n kind wat hy gehad het, maar nooit gesien het nie, te soek. Al wat hy weet, danksy 'n enkele brief van haar, is dat dit 'n seun met groen oë is ...

Jammer, skat, ek was so bietjie weggevoer ... So, Sam, na gedigte op skool, na gedigte en raaiselverhale op Sweek, wat was jou volgende groot mylpaal in jou skryflewe?

A - Hmmm .. Interessante verhaal. Ek sal later na die film kyk. En geen probleem nie. Ek was in elkgeval nuuskierig oor die storielyn. Gepraat van mylpale ... ja ... ek dink WRIPE-2 was 'n groot keerpunt in my skryflewe! Dit het my baie vorentoe geneem in my skryflewe. Daarna, was ek aangemoedig om meer stories te skryf. Dit het my die selfvertroue gegee om aan die skryf van verhale te begin dink. Ek het baie skryfidees gehad voordat ek by WRIPE-2 aangesluit het, maar totdat ek daarby aangesluit het, het dit lank geduur om dit letterlik op papier te plaas. Maar na WRIPE-2 het ek die dryfkrag gekry wat ek nodig gehad het om stories te begin skryf. Dit is egter gevolg deur byna 'n jaar se breek van skryf. Toe wou ek eendag skielik my gedagtes uitspreek en ek het 'n gedig aanlyn geplaas via my insta-rekening. Baie mense het konnek met wat ek geskryf het . So dit was ook nog 'n mylpaal in my skryflewe.

V - WRIPE-2! Hmmm… ons skrywers sal daarvan wil weet! Ek kan dit self verduidelik, maar ek sal jou siening meer waardeer. Wat is jou idee oor WRIPE-2, Sam? Dit was op Internasionale Moedertaaldag op 21 Februarie 2018 gebaseer, nie waar nie? Jou inskrywing was… er… Tamizh?

A - Ja! WRIPE - 2 was oor Moedertaaldag wat elke jaar op 21 Februarie val. Dit was die eerste keer dat ek van so 'n dag gehoor het! Dit was inderdaad 'n briljante idee om WRIPE - 2 te hê, wat Moedertaaldag ondersteun het. Dit het bewusmaking van ons herkoms geskep in 'n tyd toe dit regtig nodig was. Ek is bly dat ek baie gehad het om tot WRIPE - 2 by te dra. En ja, my moedertaal is Tamil. 'n Pragtige antieke taal met 'n volledige grammatikale struktuur wat tweeduisend jaar gelede gevorm is. Maar dit is nogal hartseer om te leef in 'n tyd waar Engels jong geslagte so oorgeneem het (geen aanstoot teen Engels nie) dat hulle geneig is om die waarde van hul eie taal te vergeet. Ja, dis goed om 'n globale taal soos Engels vir almal sê gerief te hê, maar ons moenie ons wortels vergeet nie, of hoe? Dit geld ook vir baie ander tale. Nie net vir Tamil nie. En .. 'n dag gewy aan die bewusmaking van 'n tydige saak soos daardie, en WRIPE - 2 wat daardie saak ondersteun, en die belangrikste is dat ek daaraan deelneem! Dit was 'n wonderlike ervaring!

V - Hoe het jy in die eerste plek op WRIPES afgekom, Sam? Ons skrywers sal belangstel om dit te weet.

A - Hmmm .. Ek het op WRIPES afgekom deur 'n liewe vriend, Chinthaka wat pragtige werk gedoen het om baie skrywers aan te moedig :) Hy het my 'n paar jaar terug aan WRIPES voorgestel. Die idee het my geïnteresseer, en ek het dit as 'n opwindende manier gevind om my gedagtes uit te spreek oor verskillende areas wat aandag nodig het, maar minder bespreek word en om deel te neem aan die bewusmaking van daardie konsepte, soos moedertaal destyds en nou Asteroïede.

V - Na WRIPE - 2, neem jy nou weer deel aan WRIPE - 6, wat op Wêreld Asteroïeddag fokus. Hoe sal jy "As 'n Asteroïed op Chennai val" aan iemand wat jou vorige mini-e-boeke nie gelees het nie, beskryf?

A- "As 'n Asteroïed op Chennai val" is 'n boek wat 'n basiese lewensbegrip uitbeeld - Oorlewing. Ons het, ondanks alles, nog altyd geveg om die mees katastrofiese gebeure op aarde te oorleef. Ons het keer op keer sulke tydperke wat ons tot vandag toe laat beland het, oorgesteek. Hierdie verhaal draai om só 'n tyd. Terwyl die wêreld 'n universele aanval beveg, het die mense van Chennai 'n ander stryd om in die gesig te staar. Aan die een kant, moet Chennai voor die woede van die natuur te staan kom, en in 'n skielike ommeswaai van gebeure, moet dit ook 'n vinnig naderende asteroïed in die gesig staar. Die oorlewing van die lewe in 'n tyd van katastrofiese gevaar is die kern van die boek.

V - OK! Enige raad wat jy vir beginners kan gee? Beveel jy WRIPES vir enigiemand aan?

A- Beslis! Al die beginners daarbuite, julle moet aan WRIPES deelneem. Dit bied jou die ruimte om jou eie talent te verken en dit gee jou blootstelling. Dit gun jou die geleentheid om die vele talente van ander skrywers wat saam met joy deelneem, te leer ken. Benewens die hulp wat WRIPE jou bied, voed dit op 'n manier joy denke oor baie konsepte wat aandag benodig, waaroor ons miskien nie andersins sou dink nie. Um .. advies .. Die enigste ding wat ek graag met almal wat hul reis begin, sou wou deel, is dít: Doen dit! Skryf dit! Sit dit op papier neer! Jy kan. Ek weet dat jy al 'n duisend keer daaroor gedink het, maar steeds huiwerig is. Gaan net voort en doen dit. Selfs al dink jy dat dit 'n lawwe idee is, sal jy nooit jou ware potensiaal ken voordat jy dit begin verken nie. Moet dus nie huiwer om alles wat jy vir die wêreld wil sê, neer te skryf nie.

V - Terloops, het hy stokperdjies, Sam, anders as om te skryf?

A - Jip. Kunsvlyt! Ek is mal daaroor om kunsvlyt te doen en anime te skets. Alhoewel ek nie 'n groot liefhebber daarvan is om gereeld kos te maak nie, het ek onlangs egter ontdek dat kook spanning verlig. Ek soek dus verskillende soorte kosse en voeg my eie kinkel daarby, en bring 'n ordentlike gereg vir geliefdes uit. Nuwe stokperdjie wat ek begin geniet het! En natuurlik, saam met die skrywery, word daar baie gelees. So ek lees ook baie. Ek het my eie klein biblioteek met boeke en beplan om dit in die komende jare uit te brei.

V - Lees is een van jou stokperdjies ... hmmm ... Wat lees jy op die oomblik?

Een van my onlangse leesstowwe is “Milk & Honey" deur Rupi Kaur. Ek het slegs 'n paar kykies van die eerste paar bladsye gehad, waarvan ek baie gehou het. So "Milk & Honey" is op my volgende op my leeslys, saam met "Homo Sapiens" deur Yuval Noah Harari. Albei boeke interesseer my baie.

V - Is daar enige skrywers wat jy as beïnvloeders sou noem?

A - Lees is 'n gewoonte wat ek sedert kinderjare gekweek het. My eerste invloede was die Nancy Drew-avonture. Dis duidelik dat baie skrywers dit geskryf het. Maar daar is een boek en 'n spesifieke skrywer wat my baie na aan die hart lê. Die "Artemis Fowl" boeke deur Eoin Colfer. Ek was deur die verhaal en die manier waarop Colfer my in hierdie magiese, wetenskaplike ondergrondse wêreld getrek het, verstom. Dit was een van die vroegste boeke wat 'n groot invloed op my gehad het om te begin skryf.

Wat gedigte betref, het ek William Wordsworth se gedigte as deel van Engelse klasse gehad, wat my geïnspireer het om gedigte te skryf. In onlangse tye, hou ek regtig van die gedigte van Nikita Gill. Sy het 'n invloed op my gehad om my gedagtes as gedigte neer te skryf.

V - Watter boek het jou lewe die meeste beïnvloed?

A - Soos ek vroeër gesê het, “Artemis Fowl” het die skrywer in my geïnspireer. Ek kan onthou dat ek as kind nogal verstom was oor hoe 'n skrywer towerkrag in wetenskap kan verander, en my daardie wetenskap kan laat glo. Ek het taamlik geglo dat elwe en dwerge bestaan. Die vermoë van Colfer om my aan die verhaal vasgenael te hou en om te dink aan die hoeveelheid navorsing wat hy sou gedoen het om soveel wetenskaplike verduidelikings te verskaf, het my eenvoudig beïndruk.

V - Goed! So ... ek is bevrees dat die tyd amper op is... voordat ons klaar maak... wat is jou planne vir die toekoms, Sam?

A- Eerstens het ek 'n klomp ewekansige gedigte neergeskryf wat ek wil opgradeer. Ek wil meer daarby voeg en 'n mini-poësieboek daaruit saamstel. Hierdie jaar het op 'n positiewe noot vir my begin, met WRIPE - 6 en alles. Ek sal hierdie jaar meer op my poësie, prosa en stories konsentreer. Ek hoop vir die beste :)

V - Dis fantasties. Wens jou alles van die beste toe. Dalk sal ons lesers daarin belangstel om jou te kontak ... enige sosiale media-teenwoordigheid, platforms of ... e-pos, Sam? Jy woon in Chennai, nè?

A- Ja. Ek woon in Chennai, Indië. My teenwoordigheid op sosiale media is tot 'n private rekening beperk. Enigiemand kan my natuurlik op Sweek bereik onder die naam Sameera Anum. Ek beplan om binnekort 'n toegewyde insta-rekening vir al my skryfwerke te hê. Tot dan, is daar 'n private insta-rekening - @ sameeraanum - waardeur mense toegang tot my kan verkry.