Boekresensie - “As 'n Asteroïed op Valencia val” deur Kathy Baker

Artikel vanaf Our Universe for Kids vertaal met voorafgaande outorisasie. 

Haai, hierdie artikel behoort aan 'n reeks! Jy moet 'n bietjie agtergrond ken oor die 2020 Wêreld Asteroïeddag-skryfprojek wat hierdie mini-eboek geskep het, voordat jy hierdie inhoud lees! Kry 'n bietjie begrip voordat jy verder gaan. Ha, ha!

Kathy Baker het by die 6de skryfprojek (WRIPE-6) wat gedurende Januarie 2020 deur Chinthaka Nanayakkara georganiseer en gekoördineer is, aangesluit. Op nommer 4 was sy een van die eerste skrywers wat by die projek, wat op 30 Junie geskeduleer was om sy hoogtepunt te bereik, aangesluit het, betyds vir Wêreld Asteroïeddag.

Haar mini-e-boek is 2 minute lank met 'n woord-telling van minder as 500 wat onder die genres Riller & Griller, Aksie & Avontuur verskyn. Dis egter veilig vir alle ouderdomme en is op 6 Februarie 2020 voltooi en onder die opskrif 'As 'n Asteroïed op Valencia val', gepubliseer.

Priya Esakkimuthu, is 'n Senior Koördineerder van WRIPE-4 (Wêreld Asteroïeddag 2018) en WRIPE-6 (Wêreld Asteroïeddag 2020) en is deur Chinthaka Nanayakkara as 'een van die beste leerlinge' erken, met 'n passie vir die bevordering van die skryfwerke van alle aspirant-outeurs wat aan WRIPES deelneem. Sy sê, "Wanneer ek die woord 'Spanje' hoor, dryf dit altyd my gedagtes na 'Feeste', 'Flamenco' en 'Bullfighting,' 'n land bekend vir sy kulturele erfenis... Dit was voorwaar 'n goeie verhaal met 'n lieflike boodskap. Was mal daaroor! Jou woorde was regtig boeiend. Hou so aan."

Rowena Claudia Fortuin, die 18de deelnemer van WRIPE-6 en sy Afrikaanse koördineerder, sien dit as 'n "Baie goedgeskrewe verhaal".

Die vinnige gewildheid van hierdie kort literêre werk het Kathy geïnspireer om op dieselfde dag sy Spaanse weergawe vry te stel onder die dramatiese titel “Si un Asteroide cayera en Valencia.”

Vorentoe het sy nege ander mini-e-boeke van haar medeskrywers in Spaans vertaal. In die lig van haar toewyding en prestasie word sy die Spaanse koördineerder van WRIPE-6 gemaak en hou tans die Spaanse weergawe van die amptelike WRIPES-blog (spanishwripes.blogspot.com) in stand. 

'As 'n Asteroïed op Valencia val' begin in ooreenstemming met die amptelike skryf opdrag van WRIPE-6, en skilder 'n hartverwarmende beskrywing van Valencia en beskryf dit as "die stad van feeste en tradisies, ... geleë aan die oewer van die Turia-rivier, aan die ooskus van die Iberiese skiereiland.”

Kathy merk op dat die "natuurrampe in Valencia raar was" en dat "daar in sy onlangse geskiedenis net een ernstige ramp was," wat die katastrofiese oorstroming van die Turia-rivier in 1957 was, wat ongeveer 80 lewens geëis het. 

Dan bring sy die asteroïed in. NASA kondig sy aankoms op 4 Februarie 2020 aan, wat bestem is om op 30 Junie 2020 met die aarde te bots, ironies genoeg op die Wêreld Asteroïeddag en die teikenlokaal geïdentifiseer as Valencia, Spanje. Naam van die moordenaar: Asteroïed (4179) Toutatis.

Die ysingwekkendste deel is wanneer Kathy die atmosferiese veranderinge beskryf wat in Valencia sigbaar word teen die agtergrond van die onvermydelike oordeelsdag. Sy skryf: "Die weer het verander, en Valencia was in chaos gedompel... Die verdonkerings het een op die ander gevolg en meeste van die bevolking in die stad het vir ure agter geslote deure gebly... en gewag vir hul laaste uur.”

Kathy se Sweek-profiel noem dat sy van musiek hou en aan gruwel verslaaf is. Dit weerspieël dwarsdeur haar verhaal. Dit is 'n boek wat veilig is vir alle ouderdomme, maar soms is dit 'n skrikwekkende leesstof. Tog eindig dit met musiek - 'n slim ontknoping aan die einde van die verhaal wat 'n glimlag op die lippe van enige leser kan sit.

Lees die boek GRATIS! en moenie vergeet om te Like, Follow, Share terwyl jy haar storie geniet nie! Jy kan ook enige tyd 'n vriendelike ‘hallo’ (of ‘hola’) aan haar stuur! Sy praat beide Engels en Spaans vlot. 

Terwyl WRIPE-6 in die eerste helfte van 2020 vorentoe beweeg het met sy span van aspirant-outeurs wat besig was om te skryf en opgewonde voor te berei vir die komende Wêreld Asteroïeddag 2020, was Kathy erken as een van die span se hoogste presterende persoonlikhede en het gaan sit vir 'n skrywersonderhoud met die hooforganiseerder van die projek. Jy kan die volledige onderhoud hier geniet!